四月廿二日訊 呢個月尾歐聯準決賽開打，阿仙奴對巴黎聖日耳門，巴塞隆拿對國際米蘭，四隊將爭奪決賽資格。
準決賽期間四隊都會迎來一星期雙賽，但係兩個半區嘅情況唔同。
巴黎聖日耳門早早就提前奪得法甲冠軍，法國盃決賽要到五月廿五號先進行，可以輕鬆進行輪換。阿仙奴國內盃賽已經出局，聯賽爭冠基本上無望（利物浦下輪贏波就可以奪冠），同樣可以全力備戰歐聯。
另一個半區嘅巴塞隆拿同國際米蘭就困難好多。巴塞隆拿目前只係領先皇家馬德里4分，而且準決賽前後仲要分別喺西班牙國王盃決賽同西甲對陣皇家馬德里，佢哋兩個禮拜內要同國際米蘭踢兩場，同皇家馬德里踢兩場。國際米蘭情況同樣艱難，佢哋聯賽同拿玻里同分，呢個星期中意大利盃準決賽將會對陣AC米蘭，週末聯賽將會迎戰近期狀態火熱嘅羅馬。
