2025 世俱盃將會燃爆成個夏天！今日同大家介紹今屆世俱盃最大熱門——皇家馬德里！
哈維·阿隆索新帥上任
相隔 6 年，皇馬終於迎嚟西班牙本土教練哈維·阿隆索！
繼施丹之後，阿隆索成為皇馬第二位以皇馬效力過嘅球員擔任球隊主教练。
喺 22 年 10 月 5 號至 25 年 5 月 31 號，阿隆索執教利華古申 140 場，攞到 89 勝 32 和 19 負嘅成績，勝率高達 63.57%！執教利華古申期間，幫球隊獲得 23/24 賽季德甲冠軍以及德國盃冠軍，喺 24/25 賽季奪得德國超級盃冠軍，24/25 賽季利華古臣最終奪得聯賽亞軍，無緣冠軍。
阿隆索喺執教利華古臣主要陣容都係 3-4-3 陣容，3 中堅體系。嚟到皇馬之後，係咪會沿用自己熟悉嘅戰術體系，定係會保留 4-3-3 嘅陣容體系呢？等我哋拭目以待！
莫德里奇皇馬最後一舞
2018 年，莫德里奇獲得咗金球獎同世界足球先生嘅個人榮譽。
莫德里奇效力於皇馬期間，幫球隊奪得世俱盃冠軍 5 次，西超盃 5 次，歐超盃 5 次，國王盃冠軍 2 次，西甲聯賽冠軍 4 次，歐聯冠軍 6 次。
莫德里奇主場告別戰：西甲聯賽最後一輪，皇馬主場 2-0 擊敗皇家蘇斯達。
呢名克羅地亞國腳，2012 年 8 月 27 號由熱刺轉會至皇馬，效力皇馬 13 年。18 年俄羅斯世界盃，克羅地亞喺唔被睇好嘅情況下闖入咗世界盃決賽，雖然最終遺憾屈居亞軍，但都創造咗國家隊歷史最佳成績，莫德里奇作為隊長帶領球隊展現出非常堅韌嘅面貌。
姆巴佩聯賽金靴歐洲金靴
隨著西甲聯賽結束，皇馬位列聯賽第 2，今個賽季無緣冠軍，歐聯賽場上都止步 8 強，國王盃決賽落敗俾巴塞。西超盃都係落敗俾巴塞。球隊今個賽季四大皆空。
姆巴佩今個賽季聯賽上射入 31 粒入波，獲得西甲聯賽金靴。喺最後利雲度夫斯基受傷之後，姆巴佩成功反超利雲，並且姆巴佩今個賽季都獲得咗歐洲金靴，個人榮譽攞到盡。
姆巴佩嚟到皇馬係為咗爭奪歐聯冠軍，但係今個賽季止步 8 強。目前有一個機會能夠獲得冠軍，相信姆巴佩係唔會錯過嘅。
進攻端如何爆發
皇馬目前鋒線上擁有姆巴佩、雲尼斯奧斯、洛迪高（目前已經標價 8000 萬歐元，今夏出售）、安歷基、居萊爾、迪亞斯。球隊擁有當前球壇最頂尖嘅球員，但係今個賽季姆巴佩同雲尼斯奧斯嘅火花並無爆發出嚟，反而喺場上表現出嚟更為個人嘅一面，但係足球係團隊嘅運動。今個賽季皇馬聯賽上只係射入 78 球，反觀巴塞今個賽季聯賽上射入 102 球，領先皇馬 24 粒入波。
皇馬中場擁有莫德里奇、卡馬雲加、祖亞文尼、比寧咸、華維迪等人，都係當今世界球壇非常頂尖嘅中場球員。如此豪華嘅中場，竟然未能推動鋒線上嘅爆發，中場嘅發揮我覺得係冇太大問題嘅，但係鋒線上並無能夠展現出嚟足夠嘅競爭力。
阿隆索上任之後會點樣去解決鋒線上嘅問題？點樣將進攻端火力完全釋放出來？等我哋一齊拭目以待今夏世俱盃皇馬嘅表現！
重大防線隱患
目前皇馬後防線上擁有米列度、文迪、魯迪加、卡華積、阿拉巴、華斯基斯、加西亞、阿辛斯奧。但係今個賽季由於後防線上傷缺問題，導致聯賽後半程防守上表現極為糟糕。目前米列度、魯迪加、文迪、卡華積、阿拉巴仲係顯示因傷缺席。世俱盃之前，球隊能夠有幾名後衛球員能夠復出呢？呢樣嘢對於皇馬後防線上影響好大。
咁阿隆索上任之後，係會啟用新人，定係會直接喺短暫轉會窗進行針對性引援呢？
之前同皇馬傳出緋聞，效力於利物浦嘅英格蘭國腳阿諾，會唔會加入皇馬呢？
